رواية أعلن وفاتي في يوم ميلادي

[size=21]هلا حبايبي رجعت لكم ... برواية جديده وبصفحه جديده ان شاء الله تعجبكم...

يتتبع ..
1

البارت الاولى

كاتبة الرواية :فديت اسمي (Ebtihal)

نبذه عن اسرة الرواية جميع العائلة بالروايه بسيطه في مستواها المادي الروايه تحكي عن قصة اجتماعيه شبه حزينه بطلتها لم تولد بعد تحكي روايتها بلسانها لتحرك قلوب جامده عساا ان تلين وتلبي النداء

بداية الروايه
الساعه السادسه مساء فتح الباب ودخل متجه لصاله رمى شماغه على الكنب وجلس يشوف ولده من بعيد
رفع عينه وشاف ابوه قام يركض ناحيته وهو فاتح يده
فتح يده وحضنه اقوى ماعنده :هلا هلا بعمري هلا بحياتي وين ماما يابطل
وبكل برائه يمد يده بجيب ابوه :بابا عتني (عطني)
يضحك :طيب ياحبيبي والله مانسيتك شريت لك حلوه
دخلت الصاله وقامت تناظرهم :اي هذا الي انت فالح فيه انت ولدك تجيب له من هاا الحلويات وقومي يا ام وليد نظفي بعده
بووليد ضحك :حبيبتي والله حتى انتي مانسيتك
ام وليد تناظر يده :ويم مو شايفه بيدك شي
بووليد مسك يدها :الله كل الي بيدي ومو شايفه شي
ام وليد : اي اي قص قص علي
بو وليد ماتكلم مسك يدها ورفع وليد :اسمعي حياتي البسي عبايتك بسرعه ابي اوريك وش جبت لك
ام وليد تناظر فيه :طيب نروح ونلبس ونشوف اخرتها معاك
بو وليد :طيب انا بخذ وليد اذا خلصتي تعالي لنا برا
ام وليد :طيب وراحت تلبس عبايتها
بو وليد اخذ وليد وطلع وسكر الباب
في بيت بو جنان
بوجنان :ايه هذا انتي عاجبك الي صار الحين سويتي الي سويتيه ويوم طلقك جيتي تشتكين
جنان وهي تببكي:خلاص ابوي والي يرحم ولديك مالي خلق اسمع شي اصلا هو واحد خاين مايتاهل ظفري انت يايبه لو تدري وش سوا ماكان وقفت بصفه
بوجنان : اوص ولا كلمه هذا انتي لطاح افاس بالراس قمتي تتعذربين باي شي مشكلتك خبز يدي واعرفك زين وش الفايده صرتي بعين الناس مطلقه
جنان :يؤؤ فكناا زين يبه ماايكفي الي فيني جاي تزيد على همي هم
بو جنان :ويمااالك بالهم
جنان قامت تنافخ وصفعت باب غرفتها
بو جنان :ايه هذا نتايج دلعك بس ماقول الا لاحول ولا قوة الا بالله حسبي الله ونعم الوكيل يارب اصلح الحال
في بيت بو ثنيان
جالسين بالصاله
: اليوم عندي زباين كثير في المشغل ويادوب الحق اخلصهم وولدك مااخلاني انام ساعتين على بعضهم
ضحك : تعال حبيبي بحظن ابوك
قام يركض وتربع بحضن ابوه
سلطانه (ام ثنيان ):ايه انا اقولك مااخلاني انام امس وانت جالسه تدلعه قالوها من عليه يطلع الولد غير ابوه
صالح (بو ثنيان ) ضحك : اصلا انتي هاا اليومين متى مانمتي كل ايامك نوم
سلطانه : لا والله انا الي صرت كله انام
صالح : اي والله امس فضيت خزان المويه كله عليك وماصحيتي
سلطانه وقفت قدامه : لا والله ومسكت يد ثنيان : قوم بس اخاف تطلع على ابوك
صالح : لا والله وش فيه ابوه ليه ماايطلع عليه ان شاء الله يكسر عينك ويطلع مدرس على ابوه
سلطانه : في هذا انا معك ينفع ماعنده الا الهذره وتقطيع الاوراق البيت صار زبالة ورق بسبتك انت ولدك
صالح ضحك : حبييبي يا ولدي
سلطانه : المهم اليوم ابيك توصلني الصالون بدري وجايز اتاخر عشان الشغل كثير اليوم
صالح : ياذا الصالون الي اقلقنا طيب تامرين عندك طلبات غيرها
سلطانه : لا مشكور
صالح :بس هاا ولدك معك انا تعبان ابي انام
سلطانه : اكييد وانا لقيته اخليه عندك تنام وتخليه لحاله
صالح ابتسم : طيب يلا تجهزي وراي تجهيز اسألة اختبار لي الطلاب وبحظر درس جديد لطلاب
سلطانه :طيب بس بسبح ولدك
عند الممشى
:وليد بسرعه بسرعه اركض خلي امك تلحقنا
وليد يضحك ويلحق ابوه
ماجد : فتون اتحدااك تسبقين كرشك
فتون : ماجد لا تصير سخيف والله تعبت
ماجد اول وريني كيف تسبقي كرشك
فتون : ترا تصير اقدر بس انت لا تتحدا
ماجد وقف يضحك : والله اجل اتحداك
فتون : قلت لا تتحده ترا انت الخسران
ماجد ضحك : اذا قدرتي لك الي تبين
فتون :متاكد
ماجد : اكيد
فتون رجعت ظهرها لي ورا وقدمت رجليها وقامت تمشي
ماجد مات ضحك على شكلها : بس بس يرحم ولديك العالم كلهم وقفوا يشوفون شكلك كانك بطريق توه يخطي
فتون : ها ها ها ترا سخيف هاا
ماجد رفع ولده وقام يركض : يلا اسبقي كرشك يا ام كرش
فتون انقهرت منه وقامت تحاول توصله وتسرع خطواتها
ماجد : هذا اسرع ماعندك يا ام كرش
فتون : طيب انا اوريك انا ام كرش الحين اصلا هذا مومني هذا من الي ببطني وهذا ماصار الا بسبتك انت
ماجد يضحك بصوت عالي :طيب وريني
فتون قامت تركض وتلحق ماجد ووليد
ماجد وقف يتريق عليها ويضحك:اوووهـ وش هاا الحركات ياسريعه
فتون وقفت ومسكت ظهرها : اوووف تعبت
ماجد وقف بجنبها وهمس: بسم الله عليك من التعب
فتون : ماجد انا ابي اجلس
ماجد ناظر فيها : وش تحسي فيه
فتون : ماادري وربي مو قاادره ابي اجلس
ماجد تلفت يمين وشمال يدور على كراسي :معليش تحملي قدام شوي ونوصل للكراسي
فتون :لالا ماينفع وديني البيت
ماجد:وليد بابا تعال يلا بنمشي ولف على فتون : تقدرين تمشين لسياره ولا تبيني اساعدك
فتون : لااقدر بس يلا جيب ولدك وربي الالم يقطعني
ماجد رفع وليد ومشى : طيب انا بتقدمك
فتون تمشي ورا ماجد وشوي وقفت : مااجد
ماجد لف : وش فيك وقفتي
فتون : مااااجد
ماجد استغرب منها ورجع بسرعه ومسك يدها : فتون وش فيك
فتون لفت عليه وهي وبصوت مو واضح وتغلب عليه الرجفه : انا اولد
ماجد : ايش مااسمعت رفعي صوتك
فتون عادتها بنفس النبره
ماجد قرب اذنه منها :ايش
فتون صرخت : اقـــولـــك بـــولــــد
ماجد :خيييير تمزحيين انتي
فتون : مااااااجد مووقت المزح انا اولد الان
ماجد توهق ماعرف وش يسوي طالع فيها وخذ ولده : اسمعي انا بروح اجيب السياره انتي خليك هنا طيب حاولي انك تتحملين مراح اتاخر وراح يركض وجاب السياره ونزل يركض وفتح باب السياره وركبها
في غرفة جنان
تنادي بصوت عالي : سونياااا
جات تركض :يس مدام
جنان : تعالي وعمه بقلبك ساعديني
سونيا تطالع في جنان بحقد وتاخذ الاغراض من يدها : حاظر مدام
جنان قامت تطلع الاغراض من الشنطه وتصرخ : يلا يلا اشتغلي عدل يلا اخذي هذا بسرعه حطي فوق
مطلق لما سمع صوتها طلع بسرعه لغرفتها : هاا وش صاير وش هاا الصراخ
جنان : هذه البقره مو فاهمه باارده ماتشتغل عدل
مطلق ناظر بنته :لا حول ولا قوة الا بالله سونيا طلعي لمطبخ شوي خليني اتكلم مع بنتي
سونيا : حاظر بابا وطلعت برا الغرفة
جنان : يؤ يبه ليه خليتها تروح مااتشوف الشغل كثير علي
مطلق : خلي الشغل عنك شوي واسمعيني يا بنتي عيب عليك تعاملين الخدامه كذا مهما كان ترا هذه انسانه ليه انتي تنفرين الناس من حولك مو كافي سالفة طلاقك الي مضايقه صدري
جنان تنافخ : يؤؤؤ يببه رجعنا على طير يلي
مطلق : يا بنتي انتي مانتي بصغيره المفروض مايحتاج اقولك وافهمك انتي متى تكبرين
جنان : اووووووووه يببه خلاص فهمت تبيني اسمع لك الدرس كامل
مطلق : لاحول ولا قوة الا بالله بس كاني انفخ في جربه منشقه روحي كملي شغلك الله يستر عليك ماادري متى تتعلمين
جنان :ايه زييييييين سونيييييييا ياااا المتخلللفه تعالي هناا بسرعه
في الصالون النسائي
سلطانه تجهز نفسها وتجهز العاملات لزبونات
سلطانه : كاتيا
كاتيا : هاي مدام كيفك .؟
سلطانه : اهلين تمام حبيبتي كاتيا اليوم عندنا حجز لي 5 عرايس لازم نخلصهم بدري الله الله ماوصيك ماابي ولا حده تطلع زعلانه
كاتيا (خبيرة تجميل لبنانيه ) :لك تكرم عينك تأمري ولوو
سلطانه : حبيبتي والله
كاتيا : يئبرني دخيلوا شو هاا الابتسامه الحلوه
سلطانه تناظر ثنيان وتبتسم : حبيبي سلم على خالتوو
ثنيان يناظرها ببرائه ويخبي وجهه ورا امه
في المستشفى
رايح جاي وهو حاضن ولده ومتوتر شاف الدكتوره والممرضات جاين بسرعه ناحيته وقف
الدكتوره :انت زوجها
ماجد : ايه انا زوجها طمنيني عليها
الدكتوره : ممكن توقع هنا بسرعه
ماجد اخذ الاوراق : ايش هذا
الدكتوره : لوسمحت وقع بسرعه زوجتك تولد
ماجد يناظر في الدكتوره : زوجتي في السابع كيف تولد
الدكتوره : يؤؤ اخوي خلي تسألؤلاتك بعدين وقع وخلصنا زوجتك حالتها صعبه بسرعه ترا ممكن تموت بسبابك
ماجد وقع وعطاها بسرعه وتم يروح ويجي وهو حاط ولده على كتفه وقلبه وعقله مع فتون بغرفة الولاده
في البيت صالح
الهدؤ والظلام يعم الغرفه مافي غير صوت عقارب الساعه
نايم بكل هدؤ ورايح بنوم وبوسط الهدؤ رن المنبه
فتح عينه بثقل ومد يده بكسل لف يناظر الساعه ولا له خلق يقوم : ياالله مالي خلق والله ماخذت كفايتي من النوم طفا المنبه وجلس على السرير : اأأأوووهـ ابوك يالكسل خليني اقوم بس وراي اشغال ان طاوعت نفسي ماخلصت
وقام غسل وجهه ودخل المطبخ وسوا له كافي وجلس بالصاله ونثر الدفاتر والاوراق في كل مكان وبيده قلم احمر وقلبها فوق تحت وبكل زاويه ورقه او قلم
وبعد ثلاث ساعات
:يالله طفشت وش هاا الشغل الي مايخلص وقام واخذ الريموت كانترول وفتح التي في : باخذ استراحه نص ساعه وتم يقلب في القنوات : يالله طفش مافي شيء يستاهل نتفرج عليه يلا بس خليني ارجع لشغلي ازين لي قبل لا يرجع ثنيان ويعفسني
بعد
في المستشفى جالس على السيب مقابل غرفة الولاده ينظر الحظه الي تطلع فيها ووليد نايم بحضنه
بغرفة الولاده
عم الصمت بعد حالة الضجيج الي عاشتها غرفة الولاده من صوت صراخ فتون وتبدل بصوت بكاا المولود
طلعت الدكتوره
فز من مكانه وقف قدامها : هاا بشري دكتوره
ناظرت فيه وهزت راسها : مبروك جاتك بنت
ماجد ابتسم بفرحه : الحمد الله طيب اخبارها هي بخير ولا
الدكتوره : البنت ماشاء الله عليها قمر على وجهه الارض
ماجد وابتسامته تشق الوجه : طيب وفتون اخبارها
الدكتوره نزلت راسها : لما جات كانت حالتها صعبه مره ماقدرنا نتلحقها
ماجد خفت نور ابتسامته وناظر فيها : وش قصدك
الدكتوره : زوجتك عطتك عمرها وتركته وراحت
ماجد وقف مصدوم يسمع صدى صوت الدكتوره وكلمتها تتردد على مسامعه ودمعة عينه
طلعوا الممرضات ويسحبون جثة فتون
ماجد راح يركض وراها وقفهم يناظر زوجته ويبكي : فتون لا تموتين ردي علي فتون لا تخليني رجيتك انا مااعيش من غيرك الله يخليك قومي مو انتي تتمنين تكون عندك بنت قومي شوفيها هذا انتي جبتي بنت بس مااشفتيها غاب نور عينك لما دخل النور لعينها مين بيربي اولادي لرحتي
الممرضات اسحبو الجثه وتركوه يكلم نفسه جالس يبكي على السيب
طلعت ممرضه وبيدها طفله وقفت قدام ماجد :Look at your child it's pretty (شوف بنتك مره حلوه )
ماجد وقف يناظر في بنته والممرضه وصرخ :بعديهاا عني مابيها واخذ ولده وطلع يركض من لمستشفى
كاتبة الرواية :فديت اسمي (Ebtihal)

توقعاتكم

ايش راح يكون مصير هذه الطفله البريئه .؟

معقوله ماجد يكون عديم ضميره والانسانيه ويتخلى عن هذه الطفله البريئه ويحملها سبب وفاة فتون .؟

[/size]

شكرا لك يا باشا

» رواية وين يروح قلبك ؟! / الكاتبة : مشاعر