رواية وين يروح قلبك ؟! / الكاتبة : مشاعر

الرواية جدا خيالية ولاتصدقوا كل كلمة فيها ,, وان في شي من الواقع فهو غير مقصود من الكاتبة ,, اتمنى منكم قراءة ممتعة

ابطال قصتي

سارة : رسامه ,, امها ابوها ماتوا وماعندها الا عم واحد .. مملوحة .
لمى : صديقة سارة .
حنين : بنت عم سارة .

كلهم ساكانات في عمارة تابعه للجامعه .

.....................

الجزء الاول

دخلت لمى غرفة حنين وشافت حنين متربعه عالسرير وتتأمل شي في المجله : حنو ,,, حيش تتأملي ياحلوة ؟
حنين تطالع المجله : اتأمل فستان موديله ولونه عجبني .
لمى : وايش لون الفستان ؟
حنين طالعت لمى : اصفر .
لمى واقفه عند الباب : ايه ,, عاد اللون الاصفر حلو عليك خاصة انك بيضه " بس ناقصك جمال "
حنين تتأمل المجله وتشرب عصير برتقال : وانتي ايش قاعده تسوي ؟
لمى : ابد ,, توني مسكره اللابتوب وابي اطلع للحديقة .
حنين : ايه ,, جو اليوم روعة ,, مطر خفيف .
لمى : الا ماقلتليلي ,,, ايش عندك تفصلي فستان ؟؟؟ عندك موسم زواج ؟
حنين : ايه ,,, صاحبتي فتون .
لمى طارت عيونها : الفتانة !!!!!!!!!!!!!!!!!!!!!!!!!؟
حنين طالعتها : فتانه !!!!!!!!!؟ ليش فتانه ؟
لمى تبي تطلع حرتها : نسيتي الي سوته فيني ؟؟؟؟
حنين : شسوت ؟؟؟؟
لمى : اها ,,, معذوره ,, صاحبتك ولازم تسامحيها لانك خايفه تفقديها وانا مالومك .
حنين : ترى مافهمتك !!!!!! ايش تقصدي من هالتمهيده هذه ؟
لمى تتمشى بالغرفة : حبيبتي ,,, المتألمة ماتنسى ولالحظة جرح بحياتها ,, وخويتك هذه ,, ماسوتلي جرح ,, الا طعنتني بالسكين .
حنين قامت : طيب ,,, انا مااتذكر شي ,, ايش سوتلك ؟؟؟
لمى : اول حاجه ,, سرقت ايميلي ,, ثاني حاجه خربت سمعتي ,, وثالث حاجه والي هي الاهم ,, انها فرقت بيني وبين حبيبي .
حنين : الللللللللللللله ,, تتكلمي عن موضوع صارله سنين ؟؟
لمى : بس هين ,, اذا ماخربت زواجها ماكون انا لمى .
حنين تتوعد : والله ان قربتي لها ماتشوفي الا الرصاصه بجبهتك .
لمى : جربي .
حنين طلعت من الغرفة على دخلت ساره : شفيكم ؟؟؟ صوتكم واصل للمريخ .
لمى التفتت لها : ابشرك بشرى وانشالله ماتكون خاتمه ,, فتون ,,,, صاحبة المشاكل في هالجامعه ,,,, بتتزوج .
سارة : فتون !!!! مشالله ,,, الله يستر عليها .
لمى : يعني مو ناويه تاخذي حقك منها ؟
سارة : حبيبتي ,, انا مابي مشاكل ,,, والمسامح كريم .
لمى ضربت كتفها : خليكي على طيبتك الي اكييييييييييد بتدمرك .
طلعت لمى بكل هدوء وسارة تفكر بكلامها : اعوذ بالله .

...................

دخلت سيارة من بوابه الجامعه وتوقفت عند المواقف ,, طلع منها رجال فسخ نظارته الشمسية واتجه لمدخل الجامعه
بس قبل مايدخل التفت للخلف وشاف شلة بنات يرموله بوسه ,, طارت عيونه من الحركة ,, تجاهلهم واتجه لممر
كأنه ممر مستشفى ودخل : السلام عليكم .
دكتور : وعليكم السلام ,,,, كيفك ؟
الشاب : ماني بخير .
الدكتور : ليش ؟؟؟؟
الشاب : اسئل نفسك ليش !!!!!.
الدكتور : مافهمت قصدك !!!!.
الشاب : في مشكله عرضتها عليك قبل شهر وهالمشكلة كانت مرة مرتقله لطلاب وطالبات الجامعه ,, واظنك عارف ايش هي ؟
الدكتور سكت : والله انا مابإيدي اعمل شي ,,, كل الي عملتو اني رحت للادارة وخبرتهون عن مشكلتكون .
الشاب : ابي اعرف ,,, مين حطك مساعد المشاكل ؟
الدكتور : عفوا !!!!!!!؟
الشاب : اظنك سمعت سؤالي .
الدكتور : ياابني ,, انا حاولت اكتر من مره اني احكي معهون بس هن مابيرضوا يسمعولي .
الشاب : اجل تنقلع برى الجامعه .
الدكتور : ها !!!!!!!!!!!!؟
الشاب : من قال ها سمع .
الدكتور : طيب ,,, وانت شوبتقترح عليي ؟
الشاب : تنزلون رواتبنا كل شهر ,, فهمت ؟؟؟
الدكتور : بس هاي مشكلة بنك .
الشاب : اعرف ,, بس انت لك دخل في هالامور .
الدكتور : يعني شوبدي اعمل ؟؟؟
الشاب : يعني يرضيك حالنا ؟؟؟؟ ترضيك عيشتنا ؟؟؟؟ الطبقة الاستقرطاية يستلوا الرواتب بكل انتظام واحنا لا !!!!!؟
الدكتور سكت من الحاله .
الشاب قام : المفروض تكون اول واحد يساعدنا والسبب كونك المرشد النفسي للجامعه .
طلع والقهر بوجهه :!!!!!!!!!!!!!.

...................

مشت سارة بإحدى ممرات الحدائق وكانت تعد صفحات الرسم الي رسمتها قديما وتوقفت لما سمعت احد
يقول : هههههههههههه اظاهر البنت قامت ترسم وهي تمشي .
........:من زود الدفارة الي عندها .
..............: ولا ,,, ومشالله اشوفها كم رسمه رسمت ,, شكلهم كثييييير .
................: اصلا هذه ماعندها مشكله لو بترسم كل وجه بهالجامعه ههههههههههههههههه .
سارة متدري ايش يقصدوا ,, يتطنزوا عليها او يستخفوا لها كانت موفاهمه ايش قصدهم بالضبط : ممكن
افهم ايش قصدكم ؟؟؟
الشاب طالعها : والله مايحتاج نقولك ,,, هذا حديث خاص بيننا ,, ومايحتاج تتليقفين .
سارة : بس هالكلام كأنه لي .
الشاب : ياربيييييييييييي انا قلت سارة كذا وكذا ؟؟؟ في مليون وحده بالجامعه دافوره مثلك .
سارة : بس كلامكم كله مطابق لحالي .
البنت قامت : والله اذا احساسك يقول هالكلام فإحنا مانقصدك ,,, ( وطالعتها فوق تحت ) فاهمه ؟؟؟؟؟
سارة : اوك .
تركتهم وهدى ابتسمت سخرية ورجعت لمحلها : ابي افهم ,,,, هي من وين جايبه هالشطاره ؟
امجد : حبيبتي ,, اكيد من عمها ,, ولا نسيتي انه صحفي ؟
هدى : لا ,,,, بس الي اعرفه عن الصحفيين انهم تحليل مو دفاره .
امجد : العلم نور وانتي علمك صفر ,, يابنتي الصحافه جامعه بين الذكاء والربط والتحليل .
جتهم مشاعل : شباب ,,,, اليوم في سهره بالغابة الي بجنب جامعتنا ,,, تجو ؟
امجد يطالعها وهو قاعد : وهو في احد يفوت سهرتكم ؟
مشاعل : يعني افهم منكم انكم حتجو .
امجد : انشالله .
مشاعل تركتهم وهدى تتأملها : مشالله على مشاعل ,,, روعة ,,, اذا مشت كأنها عارضة ازياء .
امجد : ايه ,,, حلوة ,, طالعه على امها السورية .

...............

الجامعه كبيرة ولها ابواب كثيرة ,, ووصفها دقيق ,, كل شلة بمكان ,, الجو غيم وامطار خفيفه
وكل ركن فيه زرع بأشكال هندسية ,, وكان فيه بقايا من حفلة شلة يسووها في الحدايق
وفيه دكه يابانية ودكه بتصميم ثلجي ,, وكل شاب يمر يسولف مع خويه ,, والي يسولف
بالجوال ,, والي ماعنده محاظرة يطلع من الجامعه يعمي والوضع على كيفك ,, في كلاس
يدرس وفي كلاس بالحديقة يجربوا فن الرسم ,, وفي كلاس يسووا رياضة واغلبهم بنات
وشلة تدخن بعزلة عن الناس .
شلة ماشية بممر وكأنهم موعودين بمحاظره ,, وفي شلة تتناقش وشوي وياصل النقاش
لضرب الجزم ,, وفي شلة هادية وكأنهم يتأملو الجو ,, وفي بنات يضحكوا ضحكة جهرية
وكأنها ضحكة شيطانية ( هههااااااااهاااااا ) وبنات قمة في الاناقة وديكور اللبس المتناسق

مشاعل تتصفح بجهازها وعيونها معقده ,, جتها اسيل من الدرج : هاي ميشو .
مشاعل طالعتها : هايات .
اسيل : ايش قاعده تسوين ؟
مشاعل : ادخل على موقعي واشوف ايش صار فيه .
اسيل : مشالله ,,, من متى مطلعه موقع ؟
مشاعل تطالع الجوال : من سنة .
اسيل : المهم ,, عندك محاظرة الحين ؟
مشاعل : لا ,,,, الحين بروح لشقتي .
اسيل : اوك ,,, وانا كمان بروح معاكي " يمكن ألقى حبي )
مشاعل : اوك ( ونزلت من سور بلوكنة مدخل الجامعه ) مشينا .
اتجهوا للشقة وكانت شقة مشاعل قمة في الفخامة ,, اتجهت اسيل للغرفة المقصوده بس مالقت احد : هذا وينه؟؟؟
ليكون عنده كومة محاظرة ؟
سكرت الباب واتجهت للمطبخ المفتوح : ميشو ,,,, اخوكي مازن عنده هالاسبوع محاظرات كثيرة ؟
ميشو تصلح نسكافيه : ايه ,,, ماحيرجع الا 4 العصر .
اسيل ويدها لازقه بالعمود " خسارة ,,, يعني اليوم مارح اشوفه "
مشاعل لاحظت حزنها : خير ؟؟؟
اسيل :هاا ,, ولا شي ,,, بس حبيت اسئل اذا اليوم بالليل عندكم سهره ولا لا ؟
مشاعل : الا ,,, يالغابة .
اسيل : بالغابة !!!!؟ ومين الي مختار هالمكان ؟
مشاعل : امجد .
اسيل : والله اني دارية ,,, يموووت عالتطلع .
مشاعل : اصلا بيني وبينك ,, حبيت فكرته .
اسيل : ايوه ,,, اممممم ,, عالعموم انا بروح لشقتي ,,, باي .
مشاعل تقلب النسكافيه : باي .

..............

سارة كانت متحمسه مع الخطوط الطولية والعرضية للرسمه ,, كانت تتأمل بحب لسير الريش
من تحت لفوق ,, كان جوها غيم وماخافت على الوان الوحة تسيح مع المطر لانها تحت مظله
وكأنها تنشد للوحة ,, في واحد خلفها يتأمل رسمها : مشالللللللله ,,, شو هالابداع !!!!؟
سارة التفتت : مشكور دكتور .
الدكتور : انتي فنانة ياسارة .
سارة : عاد تدري ايش امنيتي ؟؟؟ ودي ارسم وجه المدير واعلقها على جدار المدخل .
الدكتور : وايش الي يمنعك مبتعمليها ؟
سارة : المدير ,,, عصبي ومعقد وغير كذا تحطيم .
الدكتور : لايابنتي ,,,المفروض تعرضي عليه ,, كونك بتفتخري بهالجامعه .
ساره : ودي ,,,بس .............
قطع سوالفهم وحده تصارخ : دكتور ,,,,, تعال .

...............

حنين تأشر على الموديل الي بالمجله : وهذه ابغاها تكون ساده ,, ولاتحطي قماش من عندك
لاني متخيلة الموديل من قبل ,, وابيكي تحطي تحت الصدر فيونكة الي بالكيسة البنية الي
عندي ,, فهمتي ؟؟؟
المصممة : اوك ,,, متل مبدك .
حنين : وابيكي ماتجيبي اي اكسسوار وتعلقيه عالفستان لاني مااحب هالخرابيط ,, وابيكي تحطي
شريطه تحسيها لايقه على الفستان .
المصممة : بس الاصفر لون معقد ,, وصعبة تركبي عليه لون .
حنين : مو انتي مصممة ؟؟؟ خلاص ,, انتي اخبر بالموديلات والالوان والشكل المتناسق .
المصممة : اوك ,,, بس لازم تجين كل جمعه من شان البروفا .
حنين : اوك ,,, بس شوفي ,,, ابي هالفستان جاهز بشهر 5 ,, لان زواج صاحبتي بشهر 5 .
المصممة : الله يوقفها .
حنين : اشوه ,,, على بالي تسبيها ,, المهم ,,, مثل ماتفقنا اوك ؟
المصممة لابسة بنطلون ( سكني ): اوك.

..............

خيمة كبيرة بحافة النهر العميق ,, قبال الخيمة شلة شباب وبنات حول الحطب ,, وكانوا مستمتعين
بالسوالف لان اغلبهم شفايفهم ضحك ,, امجد مشغول بالبلياردو ,, ويعقوب وسلطان بتركيب المنظار
الي عدسته توصل لكوكب المريخ ,, ومازن يبتسم من سالفة رحاب ,, يعني الكل بشغلة ,, مشاعل
تضحك لنكتة فرج ,, كان لون النار فاقع يعني اي واحد يطالعها بينعمي ,, الجو بارد وهم مصيفين ,,
امجد يوجه كلامه لفرج : فرج ,,, ونسوك البنات ؟؟؟
فرج ملفوف بشال : اي والله ,, وهو في احلى من البنات ؟
مازن ضحك عليه : هههههههههه معذور ,,, في احد يعاف النجمات ؟
فرج يوجه كلامه لمازن : يعنني الي ماتلفت انظاره بنت !!!!!.
مازن يطالعه : فرج ,,, الجديه تخلي البنات صنم من الحذر ,, ممكن تقول عني معقد .
هدى حامله كوب : اصلا مازن اكبر المعقدين .
مازن يشيل الحطب : الله يسلمك .
مشاعل تطالعه بدلع : لو يفكنا من التطنيش كان كل يوم تلقيه عند بنت .
مازن يوجه كلامه لأخته مشاعل : طنش تعش تنتعش .
مشاعل طفشت من امثاله :!!!!!!!!!!!!!.
واشتركت الشوي معاهم ,, جاسم يهوي الشوي عشان الدخان يروح ويضحك على مازن :ههههههههههه .
وبعد انتظار ساعة كل واحد اخذ عصى لحم واكل بكل لذه وانتعاش للطعم .

...................

سارة على السرير تحاور حياتها ,, كانت تطالع السماء ,, لفت على جنب وتخيلت نفسها على مسرح الطموح
تخيلت انها تشرح للدكاتره الاسلوب الصحيح للرسم ,, طريقة مسك الريشه ,, المكان الي بتنرسم فيه الرسمه
تخيلت نفسها وهي تشرح شرح امريكي وكأنه تشرح بباور بوينت وتأشر على الريشه الي تتحرك وتأشر وين بداية
مشوار الرسم وغيرها ,,, اتنعشت من الحلم الوردي الي تتمنى توصله .
على جهه ثانيه ,, هدى تترقص رقص الرجال والشلة يصفقوا لها ,, ومن بينهم مشاعل الي كأنها تقول انشودة
,, ولفت هدى حماس وهزت صدرها لرحاب : ياعيني .
وكملوا تصفيق لحد نص الليل ,, والكل نام عدى مازن الي يتأمل السماء وعدد النجوم وكيف انها مسويه سقف
فني للارض ,, كان يتنفس من المنظر الخيالي ,, هو الوحيد من بين الشلة الي مانام ,, تم على هالنفسية
لين تغمضت عيونه .

...............

طلعت سارة من الاصنصير واتجهت لبرى العمارة وعلى مدخل الجامعه وفورا عالكلاس ,, قعدت على الطاولة وهي
مستعجله وفتحت شنطتها وطلعت دفتر وكتاب وجلست تنقل الحل .
دخلت يارا واتجهت لطاولة ساره : شفيكي وكأن احد بيقتلك ؟
سارة : نسيت احل واجب الماده .
يارا : انتي يالشاطرة ,, نسيتي تحلي الواجب ؟
سارة ماردت عليها :!!!!!!!!!!!.
يارا بشك : قلبك وينه لما نسيتي تحلي الواجب ؟؟؟؟؟ للرسم ولا للحب ؟؟؟
سارة انصدمت من كلامها : ايش ؟؟؟؟؟ اي حب الي تتكلمي عنه ؟؟؟؟ انا مااحب وانشالله مااحب .
يارا قربت لوجهها : معقولة كل الملح ومافي جنس اخر ؟؟؟؟
سارة : يارا ,, اذا جايه تنكدي على صباحي روحي عني .
يارا : خلاص ياقلبي ,,, الي يسمعك يقول ان صاحبتها كانت تكلم عن جريمة قتل مرتكبتها انتي ,, مو عن الاحلام
الوردية .
سارة : والله ياعمري انا مستحيل احب والسبب ,, اني ملتزمة بالعادات والتقاليد عائلتي ,, بنت العم لولد العم
وولد العم لبنت العم .
يارا :بس انتي مالك الا حنين .
ساره : عارفه بس نسيت لأقولك اني لولد عمي فايز .
يارا : الله يجمعكم ,,, ( ورمت ميدالية مفتاحها ) باي .
سارة متدري ايش الي براس يارا ,, دايم تشككها اذا شردت ,, ودها تعترف كل الي بقلبها عشان ماتلزق فيها .
التفتت يارا : على فكره ,,,,,, مازن يسلم عليك .
ساره " مين مازن ؟؟؟؟؟؟؟"
تجاهلته بحل الواجب .
طلعت يارا من الكلاس وكانت لابسة بنطلون جنز ( سكني ) وبلوزة بنفسجية فضفاضه واكسسوار طويل ( لولو )
مشي سيدا بسيب الفصول واتجهت للحديقة .

................

قامت هدى من النوم وشافت الكل شخيييييييير وخاصة امجد الي فاتح فمه ,, قامت واتجهت للخيمة وفتحت شنطة العده
بس للاسف مافيها شي ,,, تذكرت لما كانت نايمة سمعت احد ياكل والظاهر ماكل كل الي بالشنطة : يخرب بيتك من ولد .
طلعت وشافت مازن قايم : صباحو .
مازن ابتسم : اهلين .
هدى عبت فواحة الماء ماء : كيف صباحك ؟
مازن : حلو ,,, متى قايمة ؟
هدى تتابع الصب : توني ,, اليوم اكيد حنرجع للجامعه .
مازن : اكيد ,, يوم وبس .
هدى : يخسارة ,, المفروض نقعد بالغابة اكثر من شهر ,, القعده هنا تنسيك اصل عيشتك .
مازن : المهم ,, قومي الشلة .
هدى قامت : ليش ؟؟؟ وين بتروح ؟؟
مازن يسفط شرشفه : بروح اعبي بنزين .
هدى : ليش تروح ؟؟ اتصل على سواقك يعبيلك .
مازن : والله اخاف يخربه لي مثل ماخرب سيارتي الذهبية .
هدى : عاد من زينها سيارتك الي قبل .
مازن : لو تشوفيها تقولي طقم ذهب ,, تعرفيني ,, احب الالوان الصارخه .
هدى : عاد انا ,, اكره ماشوفها ,, بس الي احبه ,, الالوان الجريئة .
مازن : من طبعك ,,,, غسلت يديني منكي بعد ماشقتي فلوس المديرة الي بمحفظتها .
هدى تتمشى : احلى مافيني ,, الجنووووووون .
مازن : والله بديت اخاف منك .
هدى ضربت كتفه : لاتخاف روحي ,,, انا مو وحش عشان تتغبى ,, تدري كنت اني جاء ببالي
اختراع ,, اتوقع اليابانيين اخترعوه قبلنا .
مازن تكتف + ابتسامه : وايش هو ؟
هدى بدلع : اني ابخ الثيل لون ابيض ,, يعني بتصير ارضية جامعتنا ,, علم السعودية .
مازن ويده بذقنه : والله فكره !!!!!!.
مازن رجع لهدفه الرئيسي : انا بروح بتاكسي للجامعه ,, واذا قاموا هالنمل ,, قوليلهم اني بالجامعه .
هدى : بس اليوم عندك اوف .
مازن : عارف ,,, بروح اشوف اخر اخبار التطور مع الاداره ,, باي .
ودخل الغابة .
هدى : يوووووووووووو على عقل السياسة الي فيك .
واتجهت تاكل اي شي .

...............

سارة متابعه للخطوط الدائرية الزرقه باللوحة ,, كانت متوسطه الحديقة والهوى يحرك شعرها الاسود
يدها الثانيه ماسكه صحن الالوان الخشبي ,, وحاطه رجل على رجل ,, كانت لابسه بنطلون سترتش
ابيض وبلوزة بيج فضفاضه وشعرها مموج ,, كانت الدقة عيون ساره وكانت رموشها عليها مسكره
شفايفها مرسومة وضغيرة ,, وجهت ريشتها للون الاصفر ولونت شعاع الشمس بطريقة فوضويه
طلع مازن من سيارة التاكسي وحاسب السواق وطارت السيارة ,, دخل ببوابة السيارة ومشى وهو
يطالع الارض بكل برود ,,وكأنه يفكر بحل ,, بدون مايحس لف يمين وشاف بنت ترسم بلوحة مستطيلة
توقفت عيونه وعيونه فضول للي ترسمه ,, اتجه لها ووقف من بعيد : اهلين .
سارة التفتت ولما شافت طالب وقفت : هلابك .
مازن : انتي بقسم فنون جميلة ؟
سارة : ايه .
مازن : اشوف لوحتك ( واتجه لها عشان اللوحة )
طالع اطلاع دكتور وطالعها : حلوة .
سارة : شكرا .
مازن : عندك موهبه .
سارة استحت :!!!!!!!!!!!.
مازن : عندك لوحات غيرها ؟
سارة : اييييييييييه ,, عندي واجد .
مازن : بصراحة ,, انا سمعت عنك انك فنانة ,, بس ماتوقعت فنك يوصل لهدرجة ,, ممكن اطلب منك طلب ؟
سارة : تفضل .
مازن : ممكن اشتري هاللوحة منك ؟
سارة : بس هذه اللوحة ,, مو للبيع .
مازن : بيعيها عشاني .
سارة : يااخ ..........
مازن بهدوء : معاك مازن .
سارة : يااخ مازن ,,,, لوحاتي الحين ,, مو معرضه للبيع .
مازن بكل كبرياء : ليش ؟
سارة : ببساطة ,, لاني مابي لوحاتي تروح للناس ,, ولوحاتي هي الي تخليني اعيش حياتي حلوة .
مازن : واذا قلتلك تبيعيلي اللوحة بالسعر الي تبينه ؟؟؟؟؟
سارة : قلتلك اللوحة مارح تنباع ,,,تفهم ؟؟؟؟؟
مازن : طيب ,, ليش تضايقتي ؟؟
سارة : بس ,,,,,,, انا ولوحاتي صديقات ,, مستحيل يفارقوني .
مازن : اجل ليش ترسمي ؟
سارة : لاني اموت في الرسم ,, ورسوماتي مو للتجاره .
مازن : غريبة !!!!!!!.
سارة : غريبة ,,, معقده ,,,, اوصفلي بالشخصية الي مناسبه لي ,,, بس لوحاتي ,, ماتروح لبيتك .
مازن تنرفز من تعاملها : شفيك ؟؟؟؟
سارة : لاني مااحب العروض الي مثل عرضك .
مازن : طيب ,,, ابي اطلب منك طلب .
سارة : خير ؟؟؟؟؟
مازن : ممكن ترسميني ؟؟؟
سارة هدت : ايه .
مشاعل رجعت من المخيم وكانت عيونها بالارض بس توقفت للصوت الي تسمعه : اوك ,,, مازن ,, اجلس
على كرسيي وانا بحاول اني ارسمك وانا واقفه .
طالعتهم مشاعل واتجهت لهم : مازن ,,,, ليش جاي في هالمكان ؟
مازن : ليش بعد ؟؟؟؟ ابيها ترسمني .
مشاعل : تجلس مع فقيرة ؟؟؟؟؟؟
سارة تحطمت نفسيا :!!!!!!!!!!!!.
مازن : مشاعل ,,,,, ايش هالكلام ؟؟؟؟
مشاعل : ساره ,,, مالقيتي الا اخوي تسيطري عليه ؟؟؟
مازن منصدم : تسيطر !!!!!!!
سارة : لا ,,, والله العظيم .
مشاعل : يابنت الشوارع ,,, انقلعي .
سارة حزنت :!!!!!!!!!!!!!!!.
مشاعل طالعتها وهي منتصرة من كلامها .
مازن من بعد الموقف : انتي ليش تكلمتي مع البنت بهالشكل ؟؟؟
مشاعل : عشان تعرف مع مين تاخذ وتعطي .
مازن : ياشينك بس .
مشاعل : كذا طبعي ,,, ماحب اشوف وحده من صحباتي مع بنت فقيرة .
مازن عصب منها :!!!!!!!!!!!!.
مشاعل : لاتطالعني بهالنظرة ,,, مهما سويت ,, مارح تهز مني شعره .
مازن : يبيلك تتأدبي يامشاعل .
مشاعل : مازن ,,, الله يعافيك ,,, لاتعقلني ,,, انا احب طبعي .
تركها مازن متجه لسيب سارة وناداها : لو سمحني .
سارة التفتت : خير ؟
مازن قرب لها لانه بيعتذرلها عن مشاعل : يااخت .....
سارة : اسمي سارة .
مازن : عاشت الاسامي .
سارة : عاشت ايامك ,,, خير ؟؟؟
مازن : بصارحة ,,, مشاعل كلامها جدا قاسية وهي مغرورة من بيئتها .
سارة : لاتشرحلي ,,, البنت اعرفها واعرف طبعها .
مازن : ابيكي ماتشيلي بقلبك عليها .
سارة : الله يسامحها .
مازن : المهم ,,, متى ترسميلي ؟
سارة : اي وقت فاضي انت فيه .
مازن : اوك ,,, شرايك الليلة ؟؟
سارة : اوك .
مازن : وابي رسمتي بمكان جدا رومانسي ,,عشان اللوحة تضبط .
سارة ابتسمت : اوك .
مازن ظل مبتسم : يالله تامريني على شي ؟
سارة : سلامتك .
مازن تركها وهي اتجهت لهدفها .
مازن لما اتجه للحديقة وقفته مشاعل وبصراخ : مين قالك تروح لها ؟
مازن : اجل تبيها تزعل ؟
مشاعل : ايه ,,, ابي اجرحها .
مازن : ليش ؟؟؟؟
مشاعل : كذا ,,, لي خلق اخلي البنت تموت صياح .
وتركته .

...................

سارة دخلت سيب مدخل شقتها واتجهت لباب غرفتها الخشبي وفتحت الباب وشافت لمى
تدور بالكرسي : وينك ياعسل ؟
سارة : كنت بالحديقة ارسم ,, وبعدها جاني شاب اسمه مازن .
لمى طارت عيونها : المليادير !!!!!!!!!!!!!!!!!؟
سارة : مليادير !!!!!! واذا ؟؟؟
لمى قامت وهي مومصدقه : اذا جاكي معناته الخير حيجيكي جية العاشق وااااااااااااااااااي .
سارة : القناعة ,,كنز لايفنى ,, وانا مقتنعه بعيشتي .
لمى : اي عيشه الي تتكلمي عنها ؟؟؟؟ على الفقر الي تنامي عليه ؟؟؟؟ ولا على الاكل
الفندقي الي كل يوم مظيف يطق باب شقتك ؟؟؟ ولا على الثياب الي بنطلونك هذا الي لابسته من اول
دخولك للجامعه ؟؟ على ايش ؟؟؟؟
سارة عطت ضهرها للمى : الحمد لله على كل حال .
لمى : ماقلنا شي ,,, بس الواحد ,, اذا جته فرصة يستغلها ,, مو يصير بارد بشوفتها .
سارة : الشاب طلب مني ارسمه بمكان رومانسي .
لمى : ها ,,,,, مكان رومانسي !!!!!؟ هذا معناته بداية الحب .
سارة : اي حب !!!!!!؟
لمى : بداية كل شخصين ,, اللقاء على هدف معين ,, وبعدين لما يشوفوا بعض مره ثانيه ,, حيتذكروا
موقفهم الاول وينسجموا مع بعض .
سارة : احلام وردية .
لمى : كيفك .( وكشرت بزول سارة ) مالت عليك .

.................

رحاب تركض لانها تسوي رياضه ,, كانت لابسه بيجامه سماويه ,, وكانت حاطه بأذنها سماعات
الجوال ,, وسكان بريطانيا يتمشوا ,, وقف ركضها اصطدام سيارة بشاحنه ,, ركضت للشقة من
المنظر الي شافته ,, وفورا دخلت باب الشقة وسكرته وهي خايفه ,, مشت بكل هدوء للصالة الي كنبها
ابيض ورمت الجوال بالكنب واتجهت لغرفتها عشان تتحمم ,, طلعت صفاء من غرفتها لانها واصلة من زمان
واتجهت للمطبخ عشان تاكل ,, مالقت شي فطلبت من المطعم ,, وكان المطعم ( بيتزا ) اكلت القطع المثلثيه
وهي جالسه عالكنب ,, ودخل يعقوب : وين الشباب ؟
صفاء تاكل : مدري .
تركها عشان تاكل واتجه لغرفة امجد بس شافها فاضية " اكيد بالسوق "
اتجه للصالة وقعد يسولف مع صفاء .

...............

وقت نوم الناس

انطق باب شقة ساره واتجهت سارة ببجامتها وفتحت : اهلين .
مازن : وين الي بترسملي ؟؟؟
سارة : اوك ,,, بس اغير ملابسي وانزل لك .
مازن : لاتطولي .
نقزت فوق الكنب من الركض وفتحت الباب واتجهت للدولاب وفتحت كلا البابين وصارت ترمي ثياب
وبعد مده من التأمل لبست بنطلون عشبي وبلوزة بيج وصدرية بيج ( عشان تنظف فيه الريشه )
وحملت شنطة الرسم وفتحت الباب : يالله .
مازن : يالله .
المكان من لتحته لفوقه سفينه على بحر وفيه انوار خفيفة ,, دخلوا فيه سارة ومازن وهم يبدو رايهم
عن تطورات الرسم ,, واخذتك الصور يالمتخيل من تحت لفوق سارة وهي ماشية بنص اللوحة ومازن
مايتحرك ,, وسارة مرة تطالعه ومرة تطالع الرسمة عشان تشوف الشبة ,, مازن كان مبسووووووط
سارة مع رسمتها ,, وكانت تمسح لون غلط وتعدل لون .
سارة تاخذ راي مازن بهاللوحة ومازن راضي باللوحة لانه بس يأشر اشارة موافقه ,, وليلة القمرى
تضوي السفينه وكأن القمر لمبة البحر,,, والنوم ياحبايبي .

شكرا لك

» رواية أعلن وفاتي في يوم ميلادي
» مصحفك في جيبك كنز في قلبك
» هل قلبك يقدر يحب اثنين
» سبعة وسائل ليكون قلبك مطمئناً متفائلاً